Amena gmüetliche Abe hi zwü WG-Kolleginne entschide, a gmeinsami Gruppestunn z plane. So isches dezue cho, dass d 2. Kürsler Miitleni vo Schmitte mit de 2. Kürslerinne vo GT zäme a Brunch uf de RAST Jubla FR gmacht hi. Aber fehmer vor ahn…
Freitag, 16. Februar 2024 / Nadine Broch & Carole Siffert
Gruppenstunde der 8. Klässlerinnen GT und Schmitten auf der RAST
Werwölfe waschen wasserlos
Am Morge früh, we di meiste Sunntigsplöischler no ide Fädere gläge si, hi d Schmitterinne ide Bäckeri füre umsatzriichschta Ichuf vom Tag gsorgt. Aber oh d Froue vo GT si nid mit leere Henn cho. So hettemer schlussendlich gnue z Ässe fürna ganzi Jublaschar ghäbe. Nachera usgiebigi Session Werwölfle, isch Zyt ufzmau fling uma gsi u z Abwäsche isch agstanne. Vier Hochmotivierti hisich dera Herusforderig gmeinsam gstöut. Für Jedi hettes as ganzes Tröpfli Wasser zum Abwäsche ghäbe. Derna isch de Tank leider leer gsi u wir hi geduldig uf di nächschte Wassertröpfleni gwartet, ide Hoffnig, dass es i Chüble feht afa rääne. Iis himer aber definitiv glehrt: Nachhautig abwäsche isch ohni Problem möglich. So isch iz auz putzt u grumt gsi u wir hinis voller positive Idrück langsam ufe Hiimwäg begä.
Merci Rast, himer bi DIR dörfe si :)
Wenn auch du Lust hast, eine Gruppenstunde oder einen anderen Anlass auf der RAST zu veranstalten, dann melde dich doch einfach mal bei rast@jubla-freiburg.ch
